ماشي فيوم والقلب سعيد وقعت عيني على غزالة
القلب سابني وراح ليها من سحر عنيها القتاله
مشيت وراها بالخطوة شميت منها عطر الأزهار
قلتلها رقي يا نور العين ده أنا بيكي ليلي يبقى نهار
قلتلي عايز ايه مني قلتلها طالب ودادك
أنا قلبي أتعلق بيكي ومقدرش تاني على بعادك
القصد خاتها وروحنا الكازينو نتهنى بالشمس الدافية
وفجاه الجو أتزعبيب وهبت النسمة العافية
طارت الباروكة على الكراسي من الخضة جاتني الكافية
بصيت لاقيت راسها بتلمع من الشعر رأسها كانت حافية
سالت دموعها على الخدين حزنها أثر فيا
قلتلها رقي يا نور العين هي الصلعه دي قضية
ومسحت عنيها بمنديلي ياجمال عنيها العسلية
طلعت عنيها فمنديلي أتريها عدسات صناعية
فضلت قاعد ومبلم والعقل مني بقى فحيرة
وهي قاعدة ولزقالي حتى الرموش طلعت عيرة
شوية بكلمها بصوت عالي زي صوت الاذاعة
قالتلي زعق مش سمعاك احسن نسيت السماعة
شوية قلت راح أغديها وأعمل فيها إحسان
مديت أديها في شنطتها طلعت طقم الأسنان
شوية قالت متسبنيش أعيش معاك حتى أسيرة
سمعت فرقعة خضتني حتى صدرها كان عيرة
ساعيتها قلبي من الحب داب
وزوغت وسيبتها تدفع هي الحساب
شوفتوا البنات يا شباب اظن كده محدش هيفكر انه يتجوز ههههههههههههههههههه
